Драги адехадевци и љубопитници, решив да ги соберам на едно место сите препораки и информации кои сум ги добила за локации во Македонија од полето на психологија/психијатрија каде барем се спомнува АДХД како поим. Искуството со сите нив не можам да го дискутирам, секако освен во случаи кога не е така. Да не должам многу, ќе се трудам нишкава да биде директна и јасна. Секое надополнување е добредојдено, можете да ми се обратите директно. Се надевам дека со време ќе добиеме квалитетна база на податоци кои ќе ни служат на сите. Ви благодарам на сите за препораките. 🙏
DISCLAIMER: овие информации важат заклучно со последно ажурирање - крај на 2021 година, можно е да има измени во однос на цена и други податоци на дотичните.
Когниција - Ординација на Тина Васков. Вршат тестирање, немаат психијатар во центарот - ги доставуваат тестовите до надворешен психијатар кој им ги потврдува резултатите.
BrainARC - Ординација на Силвана Марковска-Симоска, која според тоа што имам прочитано е веројатно најстручно лице за АДХД во оваа држава1.
За дијагноза нудат две опции, а процесот опфаќа тeст (компјутерска вежба за АДХД во траење од 20 минути + прашалници) и ЕЕГ2:
За 8.000 денари, дијагнозата ја извршува Силвана; резултати се добиваат за 5-7 дена. Оваа опција е сосема доволна за валидна дијагноза.
За 12.000 денари, собраните податоци од тестирањето се доставуваат до матичната канцеларија на BrainARC во Швајцарија, каде поминуваат низ повеќе алгоритми и се добиваат попрецизни информации3 околу состојбата.
Силвана нема предрасуди за АДХД медикаменти и ги препишува на рецепт со кој лекарствата можат да се подигнат во аптеки во Србија и Бугарија.
Користат неурофидбек терапија како третман за АДХД - сомнителна е затоа што тврдат дека се нуди само одреден број на сесии (до 20, по потреба), што инсинуира излекување од состојбата по нив, состојба за која знаеме дека е доживотна.
Најмногу се фокусираат на работа со деца и адолесценти, но работат и со возрасни. Ординацијата се наоѓа во Влае.
Еквилибриум - Ординација на Вера Јовановска-Типко. Има психијатар и невролог.
Работат со когнитивно-бихевиорална терапија (CBT) - често се препорачува како алатка за справување со АДХД кај возрасни и адолесценти.
Третман на АДХД се спомнува во делот за аудио-визуелна терапија - мене ми е сомнителна од иста причина како горенаведената неурофидбек.
Низ интернет се шушка дека цените се високи.
Ајнштајн - Здружение за дислексија. Основано е од страна на Славица Тасевска Николовска - лиценциран тренер за надминување на потешкотии со учењето по метод на Роналд Дејвис4. Методот вклучува работа со повеќе невродивергентни состоби: дислексија, дисграфија, дискалкулија и АДХД.
За Рон Дејвис и АДХД не можев да најдам многу информации, главно затоа што се фокусира најмногу на дислексија, но, исто така, затоа што тешко се квантифицираат резултатите од овој метод бидејќи е индивидуалистички настроен.
Позитивно е што во основа на методот е да се фокусира на потребите на клиентот и да се адаптира соодветно, а да понуди алатки за полесно справување со состојбата.
Сомнително поради рекламирање на програмата како „корекција на АДХД“ (доживотна корекција не е возможна), и претставување на пристапот како drug-free, што инсинуира дека има решение за АДХД и дека не мора воопшто да прима медикаментозна терапија. Односно прво, демонизира основно средство за справување со АДХД, а второ, го омаловажува нивото на тешкотии со кои се соочуваат голем дел од АДХД мозоците.5
Докторска дисертација за АДХД кај возрасни. Има научни трудови со професори од ФИНКИ за машинско учење и неговата примена во детекција на АДХД. Имам голема препорака за соработка со неа од прва рака и информација дека се ангажирала да ги донесе медикаментите наменети за АДХД во Македонија, но била одбиена со изговор дека е премал пазарот.
Моја претпоставка е дека комбинацијата од медикаменти, постојана работа со стручен психолог и познавање на алатките на Рон Дејвис и ними слични, е одлична опременост за справување со АДХД, што секако во однос на потребите би варирало на индивидуална база.
Не сум сигурна дали сеуште го читаш овој блог, само сакав да ти се заблагодарам, овие постови беа единственото нешто што ми помогна да дознаам каде има тестирања за АДХД кај нас, верувам им значи и на многу други. Јас правев тестирање во BrainArc некако ми изгледаа најкомпетентни на оваа тема. Верувам дека сите што се прашуваат дали имаат или не АДХД треба да си направат испитување (таму или на некое друго место) Во мојот слушај испадна мала веројатноста дека имам АДХД но дознав дополнителни работи за кои што не знаев а ми предизвикуваат симптоми на АДХД. (анксиозност и дополнителна невролошка болест) Ова е поради фактот дека освен прашалниците кои ги пополнуваме правев и EEG на мозокот.
Понатамошната препорака на докторката е генетски испитувања + atomoxetine(stratera) ако се одлучам за медикаменти.
Ги охрбрувам сите кои се двоумат да си направат тестирање никогаш не се знае што се крие зад тие симптоми на АДХД.
Одлично упатство, секоја чест. Единствено не разбирам како лимитираниот бројот на сеанси инсинуира излекување. Зарем не е препорака за индефинитивна терапија таа која би можела да сигнализира економско предаторство? Што ако бенефитите се набљудувани во такви рамки и таа е препораката?
Благодарам, драго ми е што стигнува до луѓе иако одамна нема ништо ново. Се сложувам и би рекла дека двете, и лимитирана и индефинитивна терапија, можат да бидат штетни, не се исклучуваат едно со друго. Не се сомневам дека има основ зошто е препораката таа. Ама мислам дека поентата ми била во правец на бесполезноста на терапијата. Доколку беше толку едноставно, сигурно во остатокот на светот ќе беше многу попопуларна. Немам искуство со неа за да кажам дали помага, и можеби треба да го тргнам тој коментар затоа што премногу сум пристрасна, но според мене, со оглед на тоа што АДХД е нешто што само може да се менаџира, ми нема логика да има било каков бенефит од таа терапија.
Здраво, случајно ја видов објавата па еве да оставам коментар. Тренинзи за АДХД има Здружението за дислексија Ајнштајн Скопје. Тренингот го спроведува лиценциран тренер според методот на Рон Дејвис. www.disleksija.org.mk. Поздрав адехадеовци
Здраво,
Не сум сигурна дали сеуште го читаш овој блог, само сакав да ти се заблагодарам, овие постови беа единственото нешто што ми помогна да дознаам каде има тестирања за АДХД кај нас, верувам им значи и на многу други. Јас правев тестирање во BrainArc некако ми изгледаа најкомпетентни на оваа тема. Верувам дека сите што се прашуваат дали имаат или не АДХД треба да си направат испитување (таму или на некое друго место) Во мојот слушај испадна мала веројатноста дека имам АДХД но дознав дополнителни работи за кои што не знаев а ми предизвикуваат симптоми на АДХД. (анксиозност и дополнителна невролошка болест) Ова е поради фактот дека освен прашалниците кои ги пополнуваме правев и EEG на мозокот.
Понатамошната препорака на докторката е генетски испитувања + atomoxetine(stratera) ако се одлучам за медикаменти.
Ги охрбрувам сите кои се двоумат да си направат тестирање никогаш не се знае што се крие зад тие симптоми на АДХД.
Уште еднаш големо благодарам,
Елена
Одлично упатство, секоја чест. Единствено не разбирам како лимитираниот бројот на сеанси инсинуира излекување. Зарем не е препорака за индефинитивна терапија таа која би можела да сигнализира економско предаторство? Што ако бенефитите се набљудувани во такви рамки и таа е препораката?
Благодарам, драго ми е што стигнува до луѓе иако одамна нема ништо ново. Се сложувам и би рекла дека двете, и лимитирана и индефинитивна терапија, можат да бидат штетни, не се исклучуваат едно со друго. Не се сомневам дека има основ зошто е препораката таа. Ама мислам дека поентата ми била во правец на бесполезноста на терапијата. Доколку беше толку едноставно, сигурно во остатокот на светот ќе беше многу попопуларна. Немам искуство со неа за да кажам дали помага, и можеби треба да го тргнам тој коментар затоа што премногу сум пристрасна, но според мене, со оглед на тоа што АДХД е нешто што само може да се менаџира, ми нема логика да има било каков бенефит од таа терапија.
Здраво, случајно ја видов објавата па еве да оставам коментар. Тренинзи за АДХД има Здружението за дислексија Ајнштајн Скопје. Тренингот го спроведува лиценциран тренер според методот на Рон Дејвис. www.disleksija.org.mk. Поздрав адехадеовци
Ви благодарам, ќе ажурирам во најбрзо можно време ♥